آئی ایس آئی کے سابق سربراہ لیفٹیننٹ جنرل ریٹائرڈ حمید گل نے ڈسٹرکٹ بارایسوسی ایشن فیصل آباد سے خطاب کرتے ہوئے کہا ہے کہ ملک کے خراب حالات کے ذمہ دار وردی والے نہیں فوجی وردی میں ملبوس صرف ایک شخص کا ہے جس نے پاک فوج کی وردی پہنی ہوئی ہے مگر وہ امریکی استعماری قوتوں کی خدمت کررہا ہے اگر پاک فوج کی وردی پہن کر امریکی غلامی کرنی ہے تو اسے چاہیے کہ وہ امریکی وردی پہن لے انہوں نے کہا کہ میں نے اپنی سروس میں بڑے لوگوں کو سیلوٹ کئے ہیں مگریہ لوگ کھوکھلے تھے آج وکلائ کی شکل میں صحیح لوگ میدان میں ہیں جنہیں میں سیلوٹ کرتا ہوں مجھے بہت سے لوگوں نے مشورہ دیا تھاکہ سیاسی پارٹی بنائوں مگر میں پریشر گروپ بنانا چاہتا تھا جو آج وکلا کی شکل میں بن چکا ہے اور میں ان کا سپاہی ہوں یہی پریشر گروپ اس بحران کو قطعی انجام تک پہنچائے گا

 امریکہ مشرف برطانیہ اور دیگر استعماری قوتیں اس پریشر گروپ سے خوف زدہ ہیں وکلا متحد ہیں  اور ڈٹے ہوئے ہیں ملک میں چہروں کی نہیں نظام بدلنے کی ضرورت ہے جو اب انشائ اللہ بدل جائے گا انہوں نے کہاکہ پاکستان تو قائداعظم نے بنادیا تھا مگر انگریز نے آچ بھی ہمیں آزادی نہیں دی آج پاکستان میں اسلام کا نام لینا جرم بن چکا ہے بعض قوتوں کا خیال ہے کہ قائداعظم روشن خیال تھے مگر یہ غلط ہے وہ اسلام پسند تھے اور ملک کو اسلامی بناناچاہتے تھے انہوں نے کہا کہ پاکستانیوں کو بھیڑ بکریوں کی طرح امریکہ کو فروخت کیا گیا وزیرستان میں 550 فوجی نوجوانوں کو اپنے ہی لوگوں سے لڑا کر مروایا گیا

 انہوں نے کہا نواب اکبر بگٹی کا قتل کارگل ایشو اور امریکی غلاموں ایک لمبی داستان ہے جو مختصر وقت میں پیش نہیں کی جاسکی انہوں نے کہا کہ ان حکمرانوں کو امریکی غلامی مبارک ہو جنرل مشرف میرا شاگرد اور ماتحت تھا میں اسے چیلنج کرتا ہوں کہ وہ وردی یا وردی کے بغیر پاکستان بھر میں کسی بھی بار سے خطاب کر کے دکھائیں میں نے موجودہ بحران میں معمولی سا حصہ ڈالا ہے اور عدالتی دفاع کے وقار کے لئے کسی بھی قربانی سے دریغ نہیں کروں گا انہوں نے کہا کہ ملک کی پہلی ترجیح فوج نہیں عدلیہ کا دفاع ہے جس ملک میں عدلیہ آزاد ہو وہاں کی قوم کو کبھی بھی شکست نہیں ہوسکتی عدالتوں کا انصاف قوم میں لڑنے کا جذبہ پیدا کرتی ہیں انہوں نے کہا کہ میں خود کوریٹائرڈ جنرل نہیں سمجھتا ملک کو دفاع کی ضرورت پڑی تو اسکے دفاع کے لئے کردار اداکروں گا کیونکہ ملکی حفاظت کا حلف وردی اتارنے سے ختم نہیں ہوجاتا۔

جرمن سفیر کا دورہ فیصل آباد

جرمن سفیر  ڈاکٹرو گنٹر مولیک نے گذشتہ روز تعمیر ویلفیئر آرگنائزیشن کے بحالی معذورانسنٹر  سلائی سنٹر ٹی بی ڈاٹ پروگرام اور فزیوتھراپی سنٹر کا وزٹ کیا اس موقع پر تعمیر ویلفیئر آرگنائزیشن کے زیر اہتمام ڈاکٹر گنٹر مولیک کے اعزاز میںایک خصوصی تقریب منعقد ہوئی  جس میں صدر آرگنائزیشن سٹیفن انجمٴ پروگرام مینجر مسز نابینا انجمٴ یونین ناظم ارشد محمود ڈاکٹر سلیم نے تقریب میں شرکت کی اس موقع پر  معذوربچوں نے ٹیبلوزاور مختلف رنگا رنگ پروگرام جبکہ ایل ایچ ویز نے ٹی بی ڈاٹ بارے ڈرامہ پیش کیا ۔